Fjkm Rangaina Fihobiana : Hanatanteraka ny fetin’ny taranaka



Jacaranda

Toy ny fanaon’izy ireo isan-taona, isaky ny alahady faharoa amin’ny volana oktobra, dia hanatanteraka ny fetin’ny taranaka ny avy eo amin’ny Fjkm Rangaina Fihobiana, ny alahady 14 oktobra ho avy izao eny an-toerana. Araka ny fanazavana azo, dia hisy ny fotoam-pivavahana lehibe izay hotanterahina eny an-toerana amin’io fotoana io ; izay hiditra amin’ny sivy ora sy sasany maraina. Ary harahina fandraisana ny Fanasan’ny Tompo. Aorian’izay fotoam-pivavahana izay kosa dia fantatra fa hisy ny fiaraha-misakafo izay karakarain’ireo tompon’andraikitra amin’ireo mpianakavin’ny finoana ; izay atao eny an-toerana hatrany. Ny sakafo no hiraisana, hoy ny fanazavana azo, fa ny fitaovam-pihinanana kosa dia samy hitondra ny azy amin’io fotoana io. Miantso ny taranaka rehetra araka izany mba ho avy eny an-toerana hifanotrona amin’io fotoan-dehibe io. Asaina ihany koa ireo rehetra izay nahazo fahasoavana tao amin’ity fiangonana mba ho avy eny an-toerana. Marihana, hoy ny tompon’andraikitra hatrany, fa ny vola voangona rehetra amin’io fotoana io dia entina hanamboarana fotodrafitrasa lehibe eny an-toerana hatrany. Manantena ny fahatongavan’ny rehetra.

m.L

Share This Post

One Comment - Write a Comment

  1. Cety n’y taranaka c’est pas la politique a Jésus christ.il était sur la croix pour l être humain.donc je comprends pas…

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.