Andriba : Sprinter sy kamiao nifandona, olona 11 naratra mafy

Taksiborosy « Sprinter » avy any avaratra hiakatra ho aty Antananarivo no nifandona tamin’ny kamiao avy any Antananarivo. Olona  11 tao anatin’ilay sprinter no naratra mafy, raha tsy nisy naninona kosa tao anaty kamiao. Taty amin’ny lalam-pirenena fahefatra, tao Tetezankazo, fokontany sy kaominina Andriba, disitrikan’i Maevatanàna no nisehoan’ny lozam-piarakodia, ny Asabotsy lasa teo, tokony ho tamin’ny 1 ora sy sasany antoandro. Araka ny tatitra voaray avy any an-toerana, nifandona tao anaty tetezana noho ny sprinter tapaka hisatra, ka nitrongy ilay kamiao mpamilin’ilay taksiborosy, ka teo no namparatra mafy ireo mpandeha  11 mianadahy. Nidina tany an-toerana ny Zandary ao amin’ny borigady Andriba nanao ny fitsirihina niaraka tamin’ny dokotera. Nalefa tao amin’ny hopitaly be Morafenokely Maevatanàna kosa ireo olona sivy, raha nentina notsaboina any amin’ny hopitaly Androva Mahajanga ny roa, ary any amin’ny hopitaly Befelatatana Antananarivo ny iray. Ny Zandary ao Andriba no misahana ny famotorana sy ny fanadihadiana.

Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.