Antsakoabe-Maevatanàna : Olona iray maty nilatsaham-potaka

Ankoatra ny dahalo, dia mamely mafy ihany koa ny loza voajanahary, any amin’ny fokontany Antsakoabe , kaominina Maevatanàna faharoa. Ny Alahady lasa teo, dia  fantatra fa olona iray indray no nilatsaham-potaka, tany an-toerana . Maty teo no ho eo moa ilay tovolahy ; izay mbola erotrerony no sady feono dian-drangotra ny kibony sy ny tratrany. Mbola nahenoana varatra nipoaka mafy dia mafy ihany koa tany an-toerana, taoriana ny loza niseho. Ny tsy fandriampahalemana sy afitsoky ny dahalo efa tsy hitan’ny mponina izay hiadiana aminy, nefa hamafisin’ny loza voajanahary ihany koa « Misy oram-be aty aminay hatramin’ny omaly ( indl : ny Alahady). Mirefodrefotra ny fipoahan’ny varatra. Nanomana ny fankalazana ny faran’ny taona izahay no sady nipetrapetraka teny an-tokotany no nilatsahan’ny varatra, tokony ho tamin’ny 5 ora hariva. Maty tsy tra-drano tamin’izany ilay tovolahy vao 22 taona eo, hoy ny loharanom-baovao voarainay avy tany an-toerana. Miely ny resaka ao Antsakoabe, fa mety avy amin’ny olona misotasota no nahatonga izao zava-doza izao. Ny mponina any an-toerana dia nilaza fa ao anatin’ny vanim-potoana fahavaratra tanteraka isika amin’izao fotoana izao.

Ratantely

Suivez-nous aussi sur Facebook

Partager cette publication

Poster un commentaire