Morondava : Voasambotra i Velosoa dahalo raindahiny

Rehefa nokarohina nandritra ny fotoana ela, dia voasambotry ny Zandary ny dahalo rain-dahiny iray antsoina hoe : Velosoa fantatry ny maro amin’ny anaram-bositra Alofo. Araka ny fampitam-baovao voaray, dia ikoizana amin’ny fandrobana, vono olona sy halatra omby ity malaso tra-tehaka ity. Tadidin’ny iray tamin’ireo lasibatra voaroba tamin’ny fanafihana nitam-basy niseho tao Bemanonga ny tarehin’i Alofo, ka nanamora ny fisamborana azy. Raha ny fantatra, dia avy any amin’ny Kaominina Befasy, Distrikan’i Morondava ity malaso  tra-tehaka misy nono ity, ary nambaran’i Velosoa tamin’ny famotopotoran’ny olona azy, fa maharary azy io nonony io rehefa milomay (mihazakazaka) izy. Aorian’ny fanadihadiana lalina ataon’ny mpitandro filaminana an’ity dahalo azo sambo-belona, dia hatolotra ny fitsarana tsy ho ela izy.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.