Anosizato : Fanafihana « Cash point », telo lahy voasambotra

Jacaranda

Jiolahy telo no voasambotry ny zandary teny Anosizato teo am-piomanana hanafika « Cash point», ny alakamisy lasa teo tokony ho tamin’ny 5 ora hariva. Olona tsara sitrapo no nandrenesan’ny zandary ny fisian’ireto jiolahy ireto nihaodihaody teny an-toerana. Nidina teny amin’ny manodidina avy hatrany ny zandary avy ao amin’ny tobim-paritra Anosizato nampian’ireo avy ao amin’ny borigady Fenoarivo ka nametraka ny velam-pandrika hankanana izay fanafihana izany. Tsy nampoizin’ireo jiolahy mihitsy ny fisian’izay ka teo am-pikasana hitsofoka tao amin’ilay toeram-pivarotana izy ireo no nirotsaka tampoka ny zandary ka dia noraisim-potsiny ireto farany. Sarona teny amin’izy ireo ny basy fohy vita gasy iray nisy bala 9 mm (Lot SFI 74) ka dia nogiazana avy hatrany izany fitaovam-piadina izany. Nentina natao famontorana eny amin’ny borigadin’i Fenoarivo izy telo lahy ary heverina fa tokony hatolotra ny fampanoavana anio sabotsy.

T.M.

Blueline Air Fiber

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.