Claudine Razaimamonjy : Naverina eny Antanimora indray

Jacaranda

May endim-boanjo avokoa ary mailomailo ny ankamaroan’ny tompon’andraikitra amin’ny asam-panjakana taorian’ny fisamborana izay nisesisesy tamin’ity herinandro ity izay. Rehefa voasambotra i Eddy dia nosamborina koa i Mbola. Teo vao tena nahatsapa ny olona fa tsy sangisangy intsony ny zava-misy. Tonga hatrany amin’ny famerenana am-ponja an’i Claudine Razaimamonjy maikamaika ny fahamailoana. Nanomboka ny harivan’ny talata teo ity ramatoa ity no niverina teny Antanimora indray rehefa notazomina nandritra ny roa taona teny amin’ny fonjan’i Manjakandriana. Mety ho nisy nahita angamba izy niriaria taty ivelany ka nahatonga ny fepetra noraisina indray, sao hiteraka olana hafa. Raha ny feo mandeha tokoa mantsy, dia isaky ny alakamisy sisa ilay ramatoa no mitsidika kely ny fonja ary manao “pointage” dia afaka kely indray. Raha ny kajy tsotsotra, dia efa tapitra ny fe-potoana ara-dalàna hahafahana mitazona azy am-ponja vonjimaika (14 volana raha be indrindra, amin’ny heloka bevava ara-ekonomika) saingy efa nisy ny voatsara tamin’ny raharaha sasany nanenjehana azy ary efa manefa ny saziny izany izy. Ny momba ity famindrana etsy Antanimora ity indray, dia tsy dia mazava loatra. Raha nanontaniana ny tompon’andraikitra sasany dia nilaza fa nisy baiko avy any ambony ary izay no notanterahina.

D.R

Share This Post

One Comment - Write a Comment

  1. L’initiative du nouveau gouvernement est tellement louable pour l’application de la loi, enfin, mais faut pas se fondre dans le piege de deux poids deux mesures! Quand il faut appliquer la loi, celle-ci devrait s’appliquer à tout le monde sans exception et que personne ne devrait pas non plus etre au dessus de la loi.
    En allant dans cette direction, on est sur que le pays pourra arriver à destination de son ambition, etre enfin en cours de développement effectif et rattraper son retard depuis les 59 ans passés.
    Bon courage à tous!

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.