Manakara : Mitombo isa ireo zaza tsy ampy taona mivaro-tena sy mitarika posy

Fahantrana mahazaka maniraka, ary ny kibo tsy mba lamosina, hoy ny fiteny mahazatra. Raha ny zava-misy ao an-tampon-tanànan’i Manakara, renivohitry ny faritra Vatovavy Fitovinany, dia mitombo isa ary tsy mitsaha-mitombo ankehitriny ireo zaza tsy ampy taona mivaro-tena (antsoin’ny olona hoe : andràdrà), ka misy amin’ireo tovovavy kely ireo no mbola tsy vory tratra (tsy misy nono), izay manodidina ny folo taona eo. Raha nanontanian’ny mpanao gazety nandritra ny fanadihadiana natao tany an-toerana, ny sasany tamin’ireo ankizivavy mpampanofa fahafinaretana, dia fa vokatry ny fahantrana sy ny tsy fisiana ary ny fahasahiranan’ny ray aman-dreniny no manosika azy ireo hanao an’ity asa tranainy indrindra eto ambonin’ny tany ity, satria hono vola malaky sady tsy mila « diplôme » ny manao makorely. Araka ny fanazavana azo hatrany, dia misy mihitsy ny ray aman-dreniny sasany no manosika an-janany hivaro-tena, na dia tsy safidin’ilay zaza ny hanao izany, satria raha amin’ny taonany dia mbola tokony ho an-tsekoly ireo zaza. Ho an’ny tovolahy kely niala fianarana mialoha kosa, ka efa miroso sahady mikarama, dia ny mitari-posy no maharoboka ny maro amin’izy ireo.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.