Tsaratanàna : Voasambotra ireo olona ahiana ho naka an-keriny ny « Chef Zap »

Tsy nanaiky hatramin’ny farany reo zandary any Tsaratanàna raha tsy voasambotra ireo  ahiana ho naka an-keriny olona dimy tany Tsaratanàna, isan’ireo ilay sefo zap iray , andro vitsy lasa izay. Efa tafaverina eo anivon’ny fianakvaiany avokoa ireo olona ireo, saingy nisy no nanolotra vola an-tapitrisany ariary maro tany amin’ireo jiiolahy vao afa-bela. Na teo aza izany dia nanohy ny fikarohana ireo malaso hatrany ireo Zandary tany Tsaratanàna nampian’ireo namany avy amin’ny Gsis izay efa tany an-toerana nikaroka ireo olona lasa an-keriny ireo. Olona valo no voasambotra ahiana ho tena nandray anjara mivantana tamin’ny fakana an-keriny. Natolotra ny fampanoavana any Mahajanga ny alatsinainy 25 febroary lasa teo izy ireo. Naharitra ora maro ny famotorana izany. Ka naiditra an-ponja vonjimaika ao Marofoto. Nodinihina manokana teo anivon’ny filankevitry ny governemanta, tamin’ny zoma 22 febroary lasa teo ihany koa ny momba ny tsy fandriam-pahalemna mahazo laka any amin’ny disitrikan’i Tsaratnàna iny. Ka izay indrindra no antony nidinan’ny lehiben’ny governemanta teny ifotony niaraka tamin’ireo minisitra telo miralahy.

Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.