Antsoatany : Mbola misy ny herisetra mianjady amin’ny vehivavy

Jacaranda

Notontosaina ny sabotsy 9 martsa lasa teo ny fankalazana ny andron’ny vehivavy tao amin’ny kaominina ambanivohitra Antsoatany. Mbola nifanotrona tamin’ny fankalazana ny an’ny distrika natao tao Ambohibary no antony nanemorana ny fankalazana. Tsy nampiova zavatra anefa izany fa ny zava-dehibe dia tafita ny hafatra napetraka nandritra ny fankalazana, hoy Ramatoa Nalitiana Ramanantenasoaniaina, ben’ny tanana an’Antsotany. Ho an’ny kaomininana ambanivohitra Antsoatany dia mbola misy  ny herisetra mianjady amin’ny vehivavy sy ny ankizy ka izany no nitondrany hafatra mba hitsaharan’izany herisetra izany sy hanajana ny zon’ny vehivavy. Hetsika maro no nentina nanamarika ny fotoana, niainga tamin’ny diabe nanerana ny tanana izay notarihan-dramatoa ben’ny tanana. Ankoatra izay, nisy ny ady baolina nifanandrinan’ny vehivavy avy amin’ny kaominina Antsoatany sy ny kaomininina Mangarano. Marihina moa fa roa no vehivavy ben’ny tanana eto amin’ny distrikan’Antsirabe II dia ny ao Antsoatany sy Mangarano.

Andry N.

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.