Ambodimanary-Maevatanàna : Mpampianatra iray, maty an-drano

Tovolahy iray mpampianatra ao amin’ny sekoly tsy miankina « Fenomanana »  no natelin’ny rano rehefa nandriaka trondro, tao amin’ny reniranon’Ikopa, tao amin’ny fokontany Ambodimanary, ato anatin’ny kaominina Maevatanàna voalohany no nisehoan’izany, ny alahady tokony ho tamin’ny 11 ora antoandro teo . Raha ny  vaovao voaray, rehefa andro tsy fampianarana toy izao ity tovolahy ity, dia lasa nandriaka teo amin’ity ranon’Ikopa ity, ka dobo teny am-povoan-drano izy sy ny lakan-kazo nentiny, ary tsy nipoitra intsony ranamana avy teo. Nikoropaka ireo olona teny an-toerana raha vao nahita izany, ka niantso haingana ny fokonolona tao amin’ny tanànan’Ambodimanary, ireto farany avy eo no nanao ny fikarohana sy fitadiavana, saingy mbola tsy nahitam-bokany izany. Adiny roa taty aorian’izay vao nipoitra tao anaty rano ny razana. Ary  efa natolotra ny fianakaviany ao Ambodivoina, ao amin’ny fokontany Ambatofotsy.

Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.