Antsirabe : Gadra nitsoaka, voasambotra teny ambony môtô

Herintaona taty aorian’ny nahavakian’ny fonjan’i Faratsiho, dia voasambotra tao Antsirabe ny gadra nitsoaka iray antsoina hoe « Hajamainty », ny faran’ny herinandro teo. Raha ny vaovao azo, dia kisendrasendra ihany no nahitana ity voafonja ity tamin’io fotoana io, eny fa na dia efa namoahana fikarohana aza ity farany. Nanapa-kevitra mantsy ireo pôlisy tao an-drenivohitr’i Vakinankaratra tao, fa hanao fisafoana ary hisava manokana ireo mpitondra môtô. Tamin’io fotoana io, tokony ho tamin’ny iraika ambin’ny folo sy sasany teo no voasambotra ity lehilahy ity. Nampiahiahy ny fihetsiny ka nentina avy hatrany tany amin’ny birao natao fanadihadiana. Tamin’izany no nahafantarana, fa isan’ireo gadra nandositra nandritry ny fahavakian’ny fonjan’i Faratsiho ny taona 2018, ny lehilahy.

Nangonin’i m.L

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.