Tanambao Verrerie Toamasina : Mpivady mpangalatra moto sy mpamaky trano

Ny alin’ny alakamisy 04 avrily nifoha ny zoma 05 avrily teo tokony tamin’ny 01 ora sy sasany maraina, dia nisy namaky ny tokantrano iray tao Tanambao Verrerie P/elle 21/74 Toamasina. Tahaka ny fanaon’ireo mpamaky trano dia ny fanapitsohana ny varavarana, ren’ny tompon-trano, no fanaon’izy ireo amin’izany. Lasa tamin’izany ny moto iray sy entana vitsivitsy tao an-trano. Vao maraina anefa dia nahatsikaritra ny nanjo azy ireo tompon-trano ka nanara-dia ny dian’ilay moto natosika nivoaka ny vavahady nandritra ny fangalarana azy, na efa noezahina nofafana sy notopasana rano mba tsy ho hita aza ny dian’ilay moto sy ny dian-tongotra sasany. Raha natao ny fanarahan-dia izao nampian’ny polisin’ny FIP izay natsoin’ilay tokantrano nisy namaky, dia tao amin’ny fefy iray antsoina hoe Amparantanana Tanambao Verrerie no nifarana ilay dian’ny moto sy ilay dian-tongotra. Raha nataon’ny komandan’ny FIP Rafaliarivo Jules ny fisavana ity tokantrano ity dia hita tao ilay moto halatra, ary sarona tsy afa-nandà ihany koa izy mivady mpangalatra moto sy mpamaky trano nahavita izao vaky trano izao. Nisy avy hatrany ny fisamborana, ary efa miatrika ny fakana am-bavany azy eo anivon’ny polisim-pirenena ao Bazary kely izy mivady ireto izao, ka heverina fa ny alatsinainy izao no hiakatra fitsarana ny raharaha.

Malala Didier

Suivez-nous aussi sur Facebook

Partager cette publication

Poster un commentaire