Maevatana : Dahalo roalahy tratra tanaty taxi-brousse

Jacaranda

Roalahy nitondra basim-borona « calibre 12 marque Robuste » sy basy vita gasy iray niaraka tamina bala maromaro no voasambotry ny zandary ao Maevatanàna nandritra ny sakana natao tao Berivotra 5/5, afak’omaly alina, tamin’ny 11 ora. Araka ny fampitam-baovao avy amin’ny zandary tany an-toerana dia ny mpamilin’ilay taxi-brousse nandehanan’izy ireo no nampilaza haingana ireo zandary, ny amin’ny fisiana olona roa mampiahiahy ao anaty fiara. Ary tsy vitan’izay fa mbola nandray entana hafahafa ihany koa izy ireo teny an-dalana. Efa dify an’i Maevatanana vao azo ny antso ka tany amin’ny kaominina Berivotra 5X5 no napetraka ny sakana, hisavàna izany olona hafahafa izany. Sarona teo moa ireo basy sy bala niaraka tamin’ny ody gasy mahery maro. Nandritra ny fanadihadiana nataon’ny Zandary avy ao amin’ny Vondron-tobim-pileovan’i  Betsiboka, dia nilaza izy roa lahy ireto fa mpamboly avy any Nanarena Distrikan’i Betroka, ary handeha hamonjy naman’izy ireo any Andranofasika Distrikan’ Ambato-Boeny. Tao anatin’ny famotorana hatrany, dia hita tao anatin’ny findainy ny iray tamin’ireto dahalo voasambotra ny laharan’ny findain’ilay olona nanafatra sy hivantanan’izy ireo any Andranofasika. Aoarian’ny fanadihadiana ataon’ny mpitandro filaminana moa, dia hatolotra ny Fitsarana tsy hoela ireto roa lahy sarona nitondra basy tsy ara-dalàna. Manentana hatrany ny tsirairay hatrany moa ny eo anivon’ny zandary mba hanome vaovao tahaka izao raha vao misy mampiahiahy hamongorana ny ratsy.

Ratantely

Telma Fibre Vibe

Share This Post

One Comment - Write a Comment

  1. Couvrez vos sources! Je m’adresse aux journalistes et aux gendarmes.
    Comment se sent le chauffeur dénonciateur maintenant?

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.