Soavinandriana : Tovolahy nitondra sabatra lavabe, tratran’ny fokonolona saika hanolana

Jacaranda

Lava loatra ! Asa raha mieritreritra ny ho toy ireny karazana « gladiateur » sa « chevalier » tamin’ny andron’ny « Moyen Age » ireny angamba ity tovolahy tratran’ny fokonolona tany Soavinandrina ity. Sabatra lavabe ary tena lava loatra mantsy no tsy miala eny an-damosiny. Ary tsy vitan’izay fa voalaza fa entiny manendaka io fitaovam-piadiana io, tany an-toerana. Natolotra avy hatrany ny pôlisy tany an-toerana moa ity farany ary natao ny famotorana azy.

Teo no fantatra, fa tsy vitan’ny manendaka fotsiny ihany ilay zalahy ity fa mbola mpanolana ihany koa. Raha ny voalaza mantsy, dia saika hanolana zazavavy 16 taona ingahirainy tamin’io fotoana nahatrarana azy io. « Rehefa nitohy ny famotorana, dia nanambara izy fa noho ny fahamamoany be loatra dia notambazany vola ity tovovavy tsy ampy taona ity ka saika hanaovany ny sain-dratsiny » hoy ny vaovao. Natolotra ny Fampanoavana omaly moa ity « mpanendaka kely be sabatra » ity.

m.L

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.