Mananjary : Mpivady tanora nahatrarana rongony 15 kg, naiditra am-ponja vonjimaika

Noho ny fanomezana loharanom-baovao marim-pototra avy tamin’ olona tsara sitra-po ny mpitandro filaminana, dia  mpivady vao herotrerony malaza ratsy amin’ny trafikana rongony any amin’ny Distrikan’i Mananjary sy Nosy-Varika no saron’ny Zandary avy ao amin’ny Borigadin’ Antsenavolo, afak’omaly, tao amin’ ny Fokontany Androrangavola, Kaominina ambanivohitra Andonabe. Tamin’ny fotoana nahasamborana an’ireto mpivady ireto, raha ny tati-baovao voaray, dia mbola tratra teny amin’izy ireo ny rongony  15 kilao, izay nafatratra tao anaty gony lehibe roa. Taorian’ny famotorana lalina nataon’ny mpitandro filaminana, dia natolotra ny Fampanoavana tao amin’ny Fitsarana ambaratonga voalohany Mananjary ireto mpivady mpibizina rongony, ary naiditra am-ponja vonji- maika omaly, miandry ny fotoam-pitsarana azy ireo.

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.