Andravoahangy : Mpivarotra rongony voasambotry ny pôlisy

Mpivarotra rongony iray indray no voasambotry ny pôlisy avy ao amin’ny « Poste avancé » etsy Manjakaray, ny faran’ny herinandro lasa teo teny amin’iny faritra Andravoahangy iny. Mbola teo am-pivarotana mihitsy moa ingahirainy no tra-tehaky ny pôlisy. Araka ny fanazavàna azo dia teo am-panaovana fisafoana mihitsy ireto mpitandro filaminana no nahita ity rangahy iray, izay tsy tahotra tsy henatra fa dia mivarotra izany zavamahadomelina izany, toy ny mivarotra mofo dipaina teny an-toerana. Nifanenjehana avy hatrany moa ity farany ary tsy ela dia voasambotra. Mbola nahitàna ambiny, fehin-drongony maromaro moa tany anatin’ny kitapo nentiny tamin’ny fotoana nisamborana azy. Tamin’ny famotorana ity farany, araka ny fampitam-baovao azo, no nahafantarana fa eny Ankorondrano ny mpamatsy ambogadiny ny rongony amidiny. Raisina 1000 ariary eny an-toerana ny fehin-drongony iray ary amidiny eny Andravoahangy sy Manjakaray amin’ny vidiny 2000 ariary. Taorian’ny famotorana azy dia natolotra ny Fampanoavana ny lehilahy ary nadoboka am-ponja avy hatrany.

Nangonin’i m.L

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.