HJRA Ampefiloha : Mpivady maratra mafy voatafika tany Behenjy tsy misy havana

Efa ho efatra andro izao no tsaboina etsy amin’ny hopitaly Joseph Ravohangy Andrianavalona Ampefiloha (HJRA) Razanakolona Harisson sy Razanajoary Florine vadiny, vokatry ny ratra nahazo azy ireo ny alin’ny alatsinainy 26 aogositra lasa teo tokony ho tamin’ny 8 ora alina. Teo am-pisakafoanana hariva ireto mpivady no nisy nanao herisetra toa an-tranony ao amin’ny fokontany Amboanjobe, kaomina Behenjy, distrikan’Ambatolampy. Voavely famaky ny lohan’ilay rangahy. Mangana noho ny vono nahazo azy kosa ny maso sy ny vatana manontolon’ilay ramatoa. Tsy fantatra mazava izay anton’izao fanafihana izay voalaza fa olona monina tsy lavitra ny tanàna ihany no nahavanon-doza. Ny mponina tao an-toerana no nitondra azy ireo niakatra aty an-drenivohitra mba hamonjy hôpitaly. Ireo mponina ireo no nifanome tanana mba hiatrehana ny fitsaboana ny maratra satria tsy hita ny havan’ireto mpivady ireto. Tsy niteraka izy ireo fa ramatoa kosa no voalaza fa manan-janaka amin’olon-kafa. Koa miangavy ny mpiara-monina amin’izy ireo mba hampita an’izao vaovao izao amin’izay mahafantatra ireto niharam-boina ireto ka hanatona ao amin’ny HJRA Ampefiloha.

T.M.

Suivez-nous aussi sur Facebook

Partager cette publication

2 Commentaires - Ecrire un commentaire

  1. Ekena ilay hevitr’i Brandon.
    Satria ny « olona » nahavita izao dia tsy tena olona intsony fa sarisary olona ary tena biby mihitsy, mitovy kilasy @ ireny voay dia sy alika romotra ireny.Tonga de vonoina no fanao azy.
    Ianao ve mbola hieritreritra hoe mampalahelo ty voay ty fa aleo mba ho velona, rehefa nihinan’olona izy dia vonoy ho faty rehefa tratra

  2. Ny olona nahavanon-doza toy izao dia tokony melohina ho faty, toy ny any Etazonia.

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.