Vohémar : Fivarotana voatafika, Sinoa maty voatifitra

Jacaranda

Amin’izao fotoan’ny « vavasaha » fiakaran’ny vokatra lavanila izao, dia mirongatra ny tsy fandriampahalemana any amin’ny Distrikan’i Vohémar, Faritra Sava, ka miaina ao anaty horohoro sy tahotra ny mponina. Afak’omaly alina, raha ny vaovao voaray, dia Sinoa mpandraharaha sady tompona toeram-pivarotana lehibe iray, izay diso fantatry ny maro ao Vohémar no maty notafihin’ny andian-jiolahy nitam-piadiana tao an-tranony. Voaroba nandritra ity fanafihana ity ihany koa ny vola iray baoritra, izay volam-barotra maty ny tontolo andro. Rehefa nahazo ny remby notadiaviny sy avy nanao habibiana ireo olon-dratsy,  dia nitsoaka nandositra, ka mbola karohina fatratra sy atao hazalambo amin’izao.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.