Antsirabe – Famarotana olona : 40 tapitrisa ny olona iray, olona roa no efa voasambotra

Jacaranda

Tsy vao sambany akory no nisy ity resaka famarotana olona ity eto Vakinankaratra fa efa nisy tranga toy izao tany ankazomiriotra vao tsy ela akory izay.

Olona roa, mianadahy no voasambotry ny zandary  teto Antsirabe ny faran’ny herinandro lasa teo noho resaka famarotana olona. Efa ela no nandrenesan’ny teo anivon’ny zandary ny  fisian’ity famarotana olona ity eto Antsirabe ary efa ela  ihany koa no nanao ny  velam-pandrina ny mpitandro filaminana. Nahitam-bokany ny velam-pandrika satria sarona ny olona roa saika hivarotra olona. Raha ny fanazana nomen’ny teo anivon’ny zandary hatrany dia olona 7 mianaka no saika hamidy haondrana any Toamasina. Fantatra fa hamidy hatramin’ny 40 tapitrisa ny olona iray. Ireny fianakaviana sahirana ara-pivelomana ireny no tena lasibatra satria ambaran’ireo olon-dratsy fa misy asa  atao amina Hotely any Toamasina ka 120 000ariary no karama. Roboka ny ireo sahirana ara-pivelomana mitady asa maheno ny karama kinanjo efa zavatra hafa no ao ambadika.

Raha ny fanazavana hatrany dia efa nisy fianakaviana iray mihitsy no saika lafo tany Toamasina.

Andry N.

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.