Antsohihy : Magazay voatafika, maty voatifitra ny jiolahy, efatra azo sambo-belona

Magazay lehibe iray izay mikirakira lavanila ao amin’ny Fokontany Ambalabe Andrefana II, an-tampon-tanànan’ Antsohihy, no notafihana jiolahy, ny alin’ny alahady teo. Raha vao nahazo antso vonjy tamin’ny mpiambina an’ity mangazay voatafika ity ny mpitandro filaminana, dia tonga nidina teny an-toerana avy hatrany ny zandary, ka raikitra ny fifadonana tamin’ireo olon-dratsy. Vokany : jiolahy iray maty voatifitra, efatra hafa azo sambo-belona. Raha ny nambaran’ny mpitandro filaminana any an-toerana, mandray an-tanana ny fanadihadiana ny raharaha, dia tsy avy ao Antsohihy ireo jiolahy, fa avy any amin’ny toeran-kafa no tonga manatanteraka asa ratsiny ao an-drenivohitry ny Faritra Sofia. « Noho ny fanomezam-baovao mari-pototra avy tamina olona tsara sitrapo, dia efa herinandro talohan’izao fanafihana izao ireo olon-dratsy no narahi-maso, ary efa niomana izahay. »

Eric Manitrisa

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.