Nosy-be : Mpibizina « héroïne » roa lahy tra-tehaka

Jacaranda

Noho ny fizaram-baovao mari-pototra nisy teo amin’ny vahoaka sy ny samy mpitandro filaminana, fa misy mpibizina rongony maherivaika, dia nidina avy hatrany tamin’ilay toerana voatondro ireo zandary avy ao amin’ny borigadin’ny Dzamandzar Nosy Be, rehefa nahazo antso an-tariby, afak’omaly. Nametraka paik’ady nanjonoana mora an’ireo jiolahy, ka tra-tehaka ambodiomby tao tsy afa-nitsoaka intsony ny roa lahy mpivarotra sy mpitsindrona « héroïne ». Sarona niaraka tamin’ireto mpibizina jamala ireto ihany koa ny fitaovana sy kojakoja maromaro fitsindronana sy fandanjana rongony. Aorian’ny famotorana moa dia hatolotra ny Fitsarana tsy ho ela ireto roa lahy tra-tehaka, raha mbola mitohy kosa ny fikarohana sy fanaovana hazalambo ny naman’izy ireo, hoy ny vaovao voaray.

Eric Manitrisa

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.