Andoharanofotsy : ifampitifitra ny jiolahy, iray no maty

Jacaranda

Be loatra ny manana basy tsy ara-dalàna eto an-drenivohitra. Mazava loatra fa isan’ny tena mitazona fitaovam-piadiana ny jiolahy ary izay no mitarika ny fanafihana etsy sy eroa, indrindra amin’ny vanim-potoana akaikin’ny fetin’ny faran’ny taona izao. Samy manana basy ny jiolahy fa tamin’ity indray mitoraka ity indray kosa dia izy ireo no nifamono. Nisy tsy nifanarahana ara-bola ary namoaka basy avy hatrany ny iray dia nitifitra ilay namany teo amin’ny fony. Teo Andoharanofotsy no nitranga izany ny talata maraina teo. Maty tsy tsa-drano ilay lehilahy ary tavela tao amin’ny lamosiny ny bala rehefa niditra teo amin’ny fony. Nitsoaka kosa ny nahavanon-doza. Raha ny vaovao re dia resaka vidin’ny moto no nampiady. Nanao takalo kodiaran-droa ary nisy vola        tokony natsindry izany. Teo no tsy nifanarahana ary taorian’izay dia famonoana ho faty no nitranga. Nohamafisin’ny polisy izay misahana ny raharaha heloka bevava fa samy jiolahy ireo olona ireo. Izany hoe ny maty sy ilay namono azy. Efa samy nokarohina hatry ny ela noho ny fanaovana fanafihana mitam-piadiana maro, raha araka ny fanampim-baovaon’ny polisy. Amin’ity tranga ity dia mazava raha mahavita mamono olona tsy misy indrafo ny jiolahy. Izy samy izy aza sahy mifamono amin’ny basy. Nisy fanadihadiana misokatra ary mizotra any amin’ny fikarohana ilay nahavanon-doza iznay ankehitriny.

D.R

Suivez-nous aussi sur Facebook

Partager cette publication

Un Commentaire - Ecrire un commentaire

  1. · Edit

    Iza no namoaka ny vvaovao fa hoe avy aminy fizana vola vidiny moto ny nahatonga fifamonoana ? Mahagaga ,ilay jiolahy iray namono ve no nitantara sa izay nanatrika fifamonoana ?

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.