Ankizilahy matin’ny ady an-dalam-be : Miandry fitsarana am-ponja ny efatra tamin’izy dimy lahy voasambotra

Omaly, araka ny fanapahan’ny tonia mpampanoa lalana sy ny polisy misahana ny zaza tsy ampy taona, no nakarina teo anivon’ny fitsarana ny antontan-taratasin’adin’izy dimy lahy, voasambotry ny FIP tamin’ny famonoana ilay ankizilahy mpianatry ny CEG Ratsimilaho maty noho ny ady an-dalam-be. Niaiky ny heloka nataony avokoa ny efatra tamin’izy dimy lahy voasambotra, ka nivadika ho famonoana olona niniana natao sy efa nomanina ilay vono olona tsy nahy tao anatin’ny antontan-taratasim-panadihadian’ny polisy. Vokany didy savaranonando miandry fitsarana am-ponja no navoakan’ny mpitsara ny zaza tsy ampy taona misahana ny raharaha. Ny iray kosa amin’ny naha-vavolombelona azy dia nahazo ny fahafahana vonjimaika tamin’ny fitsarana. Ankoatra izany dia ny zoma tolakandro teo no nalevina Rakotonandrasana Rayan Médéros, ary amin’ny maha-mpianitry ny CEG Ratsimilaho azy tahaka ireo namono azy izay efa miandry fitsarana am-ponja ny efatra tami’ireo dimy, dia nampanandalovina ny toeram-pianarany ity ankizilahy ity.

Malala Didier

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.