Antsirabe : Mpanefy firavaka, nangalatra volamena efa ho 1kg

Jacaranda

Saron’ny mpitandro filaminana ny mpanefy firavaka iray eto Antsirabe nangalatra volamena iray kilao latsaka kely rehefa avy nifampitadiavana. Mpiasana-tera tany vahiny iray mpanefy firavaka ity namoa-tsapona ity rehefa nametrahan’ny mpampiasa azy fitokisana. Volamena milanja 1963grama no nomen’ilay vahiny azy ho tefena kinanjo nivadi-pahatokisana ilay rangahy ka izao noentiny nandositra izao ny volamena. Taorian’ny fitarainana nataon’ilay mpampiasa azy teny amin’ny mpitandro filaminana dia natao ny fikarohana. Nosavana ny trano fiasany ka volamena milanja 846 grama no banga tamin’ilay vongam-bolemane nomena azy. Fantatra fa nitsoaka tany amin’ny zaodahiny ingahy rainy ary tany no nanafenany ilay volamena. Nampandre ilay zaodahiny ny rahalahin’ilay mpanefy volamena nilaza  fa misy raharaha mahavoasaringotra azy ka izay no antony hisitrihany ao aminy. Mailo ilay zaodahiny ka nanao fisavana ary hitany tao anaty gonin-tsarivao ny vaingam-bolamena miisa roa. Tsy afa niala intsony ilay mpanefy ary nibaboka ny zavatra nataony. Vosambotra noho izany ilay mpanefy ary voatazona niaraka taminy ihany koa ny mpiasa roa lahy niaraka taminy sy ilay rahalahiny nitoroka azy izay samy hatolotra ny fampanoavana avokoa.

Andry N.

Share This Post

Post Comment

Ce site utilise Akismet pour réduire les indésirables. En savoir plus sur comment les données de vos commentaires sont utilisées.