Moramanga : Manakaiky ny vahoaka ny zandary

Fampahatsiahivana sy fanentanana no nataon’ ny komandin’ ny vondon-tobim- paritry ny zandary sy ireo mpiara- miasa aminy eto Moramanga tamin’ ireo sefo fokontany sy ny lefiny ato anatin’ ny kaominina ambonivohitra Moramanga sy kaominina Ambohibary. Nampahatsiahy azy ireo mahakasika ny fampiasana ny bokim- bahiny sy ny laharana maitso azo iantsoana raha misy maika na tampoka. Anisan’ ny nibahan- toerana ny tokony hanamafisana ny fametrahana ny andrimasom- pokonolona ho an’ireo efa misy ary ny hananganana izany ho an’ izay mbola tsy nametraka. Hisy ny fanamafisana traikefa amin’ ny fomba fiaraha-miasan’ ireo zandary sy ny andrimasom-pokonolona. Fanamby ho an’ity tompon’andraikitra ity ny hisian’ny fiaraha-miasa akaiky amin’ny vahoaka
hanatrarana ny tanjon’ny fahalemana. Hentitra izy nanafatra ireo sefo fokontany sy ny lefiny fa ny olon-dratsy dia miara-dia amin’ny olona ao an-toerana hatrany amin’ny ankapobeny, ka ny fandraisana andraikitry ny tsirairay no ahafahana manatratra azy ireny. Tsy tokony hifanjana na ankinina amin’ny mpitandro filaminana irery fà mila hatrany ny fiaraha-miasa. Natomboka tamin’ireo kaominina roa mifanakaiky ireo ny asa fanentanana izay mbola hitohy amin’ ireo kaomina rehetra ato anatin’ny fari- piadidian’ny Kapiteny Razafimamonjy Jean Richard.

Cathy

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.