Vakinankaratra : Tafapetraka ny governoran’ny faritra

Napetraka tamin’ny fombaofisialy amin’ny maha governoran’ny faritra Vakinankaratra azy Atoa Vy Vato Rakotovao, ny talata 3 martsa lasa teo. Teo amin’ny zaridainan’ny faritra no nanatontosana ny lanonana ara-panjakana, izay notarihan’ny filohan’ny antenimieram-pirenena Christine Razanamahasoa. Nanombohana ny fotoana ny fanaovan-tsonia ny famindran-draharaha teo amin’ny filohan’ny faritra mpisolo toerana  sy ny governora, hitantana ny faritra, natrehan’ny minisitra telo mirahalahy sy ireo tale jeneraly avy amin’ny fiadidiana ny Repoblika io fanaovan-tsonia io.  Naneho ny fahavononany hampandroso an’i Vakinankaratra ny governora Vy Vato. Nanome toky izy fa hitondra  fahazavana ho an’ny faritra. Nohamafisiny tamin’ny fandraisam-pitenenany,  izay nilazany fa  » ny biraon’ny faritra dia ho vata lehibe ho an’ny tolo-tsaina sy tolo-kevitra hoentina miara-miantsoroka ny fampandrosoana.  Ho milina lehibe fanodinana ireo tetikasam-bahivaingana. »

Raha tsiahivina, 11 volana no nitondran’ny lehiben’ny faritra mpisolo toerana. Na fampandehan-draharaha aza no tena niandraketany dia niezaka nampihodina ny faritra izy ary nijery manokana ny fandaminana anatiny sy ny tetibola isan-tsokajiny mba hanamora ny fandraisan’ny governor vaovao notendren’ny fanjakana foibe.

Andry N.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.