Andavamamba : Saika matin’ny fokonolona ireo roa lahy nidaroka sy nanendaka vehivavy

Tovolahy miisa roa izay monina etsy Andavamamba Anatihazo no naiditra am-ponja vonjimaika eny amin’ny fonjaben’Antanimora rehefa avy natolotra ny fampanoavana omaly alatsinainy. Ny sabotsy tokony ho tamin’ny 8 ora alina teo izy ireo no voasambotry ny polisy miasa ao amin’ny boriborintany fahefatra, rehefa avy nanendaka ramatoa iray niala taxi be teo amin’ny Arrêt Bus Andavamamba. Lehilahy iray no nanaraka ity olona ity rehefa lasa kely ny Arrêt bus ka nandalo teo amin’ny Ecole Privé Champagnat. Teo dia nisy efa-dahy nihodidina azy ary avy eo dia nisy anakiray tamin’izy ireo tonga dia nitsongo ny nonony sy nanolana izany mafy. Ny anankiray hafa indray nisintona ny poketrany , Avy eo dia samy nidaroka azy teo amin’ny kibony, ny tarehiny, ary tratrany izy ireo noho ity farany niezaka nanohitra ka naratra mafy vokatr’izany. Lasa nitsoaka ireto olon-dratsy avy eo. Tsy lasa lavitra dia tratran’ny fokonolona ary niharan’ny daroka ny roa lahy tamin’izy ireo, efa saika niharan’ny fitsaram-bahoaka raha tsy niditra an-tsehatra ny mpitandro filaminana. Rehefa natao ny famotorana dia samy niaiky avokoa izy ireo. Eo am-pikarohana ireo ambiny ny mpitandro filaminana etamin’izao fotoana izao.

T.M.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.