Ambohijanaka : Ramatoa 62 taona notafihan’ny dimy lahy mitam-basy

Lasa hatramin’ny peratra mariazy izay teny an-tànany. Nobatain’ireo jiolahy koa ny fahitalavitra telo, ny finday rehetra  tao an-trano. Miisa fito izany raha araka ny fanampim-baovao azo. Dimy lahy mitam-basy no tompon’antoka tamin’ny ity fanafihana  nitranga tao amin’ny fokontany Tsilazaina-Ambohijanaka. Tokony ho tamin’ny misasakalina no nigadona ireo jiolahy izay namotika ny varavarana fidirana ary niditra tamin-kery tao amin’ilay trano. Tsy nisy olana tamin’izy ireo ny tohiny, satria tsy afa-nanoatra ilay ramatoa izay efa  lehibe no tsy mba nanana fitaovam-piadiana akory. Tsy vitan’izany fa mbola izy tenany irery ihany no tao amin’ilay trano fonenana. Afaka nanaram-po arak’izany ireo olon-dratsy naka izay nety tamin’izy ireo, eny fa hatramin’ny peratra mariazy aza. Nisy koa ny vola azon’ireo, fa mbola tsy voafaritra tsara omaly. Rehefa vita ny fandrobàna dia nitsoaka nizotra nankany Alasora ireo olon-dratsy. Nandalo tamin’ny fokontany Varahina, raha araka ny fanamarinana avy amin’ny zandary. Nisy fanadihadiana nosokafan’ny “poste avancé” ao Alasora, momba ity asa ratsy ity. Mbola manamarina hatrany ny tranga toy izao, fa tsy manakana ny jiolahy amin’ny asa ratsiny ny fisian’ny « couvre-feu » amin’ny alina. Toa mainka aza izy ireo mahazo vahana, satria tsy misy mivezivezy intsony amin’ny alina ary afaka manaram-po arak’izany. Midika izany, fa mila manao fisafoana any anaty tanàna ary mivezivezy ny mpitandro ny filaminana amin’ny alina ary tsy tokony hionona amin’ny fisavàna eny amin’ny arabe fotsiny. Indrindra ho an’ireo tanàna manodidina an’Andrenivohitra.

D.R

Suivez-nous aussi sur Facebook

Partager cette publication

2 Commentaires - Ecrire un commentaire

  1. Ny mahagaga dia tokony ho olona maro no mipetraka ao @ ty trano ity matoa misy tele 3 sy finday 7. Hataon’i Bebe inona ao moa izany rehetra izany? Dia maninona no izyirery no sendra ny dahalo ao @ fotoana efa misy couvre-feu?

  2. Un milliard de fmg ho an’ ny Zandary be galona dia tonga dia hita sy novonoina i LAMA . Aiza no ahitan’ ny vahoaka malagasy kely vola be toy izany vao ho ringana ireo dahalo eto TANA izay manana basy mahery vaika .Misaotra betsaka anao Monsieur RICHARD BAOMBA ( Hoy ny Président RATSIRAKA @ fihantsoana anao ) .Misaotra Tompoko ô !

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.