Fitaterana an-dranomasina : Miteraka olana ho an’ireo mpitatitra olona ireo mpitatitra entana afa-miasa

Hatramin’ny nandraisan’ny fanjakana ny fepetran’ny fihibohana sy hamehana ara-pahasalamana noho ity valanaretina covid-19 ity, dia mahatsiaro tena ho voa mafy amin’ny asany ireo mpanao fitaterana olona an-dranomasina, mpampitohy an’i Toamasina renivohitra sy Soanierana Ivongo amin’ny ilany avaratr’i Toamasina iny, Mananara avaratra sy Maroantsetra. Lasa miteraka fialonana ho an’ireo mpitatitra olona ny fahazoan’ireo mpitantitra entana amin’izao fotoana izao, hany ka saika mahazo fandrahonana hatrany ireo mpitatitra entana an-dranomasina, indrindra ho an’ireo mampitohy an’i Maroantsetra. Isan’ny niharan’io fandrahonana hodorana io fa soketaina mitondra mpandeha ny sambo « M/S VOLASOA EXPRESS ». Nanamarika anefa ny tompon-tsambo fa tsy mbola nitondra olona izany ny sambony, na izy ireo aza no mamatsy entana ny ao Mananara avaratra sy Maroantsetra amin’ny enta-madinika ilain’ny vahoaka andavanandro. Vokatra io fikasana andian’olona “voakarama” handoro sambo madinika mpitatitra entana io, dia tafahitsoka ao Soanierana Ivongo ireo sambo madinika ireo amin’izao fotoana izao, nefa izy ireo no mpitatitra ireo entana tena ilain’ny vahoaka amin’ny tapany aravatra analanjirofo iny amin’ireo entana ilain’ny vahoaka amin’ny fiainany andavanandro. Raha hitohy izao fandrahonana ireo sambo madinika mpitatitra entana mianavaratra izay, dia ahiana atsy ho atsy ny famatsiana ireo enta-madinika andavanandro ny mponina ireo any amin’ny faritra Ambatosoa Mananara avaratra sy Maroantsetra iny. Ankoatra izany anefa dia tsy ahenoan-teny fa mangina ireo olom-panjakana ao Maroantsetra sy Mananara avaratra, ka miady irery ireo tompon-tsambo mpitatitra entana amin’ny zava-misy iainan’izy ireo.

Malala Didier

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.