Mahazomà-Maevatanàna : Mirongatra indray ny vaky trano


Sesilany indray ny vaky trano any amin’ireo fokontany maromaro  ao an-tampon-tanànan’ny  kaominina Mahazomà, ato anatin’ny disitrikan’i Maevatanàna. Tokantrano maro no lasibatra, hatramin’ny fiandohan’ny volana may sy ny volana jona no mankaty. Ankoatra ny fitaovan-dakozia sy ny vorona isan-karazana, dia alain’ireo mpangalatra ny fahitalavitra sy ireo fitaovan-tokantrano lafo vidy, toy ny solosaina. Tsy re tsaika ireo mpangalatra raha ny volazan’ireo niharam-boina any an-toerana, fa ny trano efa voaroba sy ireo entana banga amin’ny maraina vao samy mikoropaka ny rehetra . Raha ny tao amin’ny fokontanin’Antsapamahazo izao dia kojakoja samihafa kosa no nasesin’ireo olon-dratsy. Ny fokontany  Antanambao, dia andrenesana tranga vaky trano sy hala-botry matetika ihany koa. Raha ny volazan’ireo mponina ao Mahazomà  taminay hatrany, dia misy zandary sy miaramila any an-toerana, saingya tsy mahasakana ny asa ratsy. Noho izany dia manao antso avo amin’ny tompon’andraikitra mahefa ambony mba hijery akaiky amin’ity vaky trano izay mateti-pitrangana ao Mahazomà sy ny manodidina ity, ny mponina.

 Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.