Maevatanana : Fisolokiana sy fisandohana ho ben’ny tanàna, olona 3 voasambotra

Efa ho herinandro aty aorina, ity raharaha Fisolokiana « kolonely » sy fisandohana ho ben’ny tananan’i Maevatanana voalohany ity, vao nahitana mangirana. Noho izany, dia tsy nanaiky hatramin’ny farany ireo Zandary aty an-toerana raha tsy voasmbotra ireo olona roa isan’ireo tompon’antoka tamin’ny raharaha, izay volaza etsy ambony, tazonona atao andrimaso ao amin’ny fonjakelin’i Zandary moa izy ireo. Vehivavy ny iray; izay voalaza fa mpampianatra amin’ny sekolim-panjakana any Mahazoma, ary nisy lehilahy. Raha ny vaovao voaranay avy tamin’ny Zandary ao GAPJ na( Groupe D’Appuis à la Police Judiciaire,) hatrany fa teny am-pandosirana hihazo an’i « Port-Bergée » i Kakajô nanatanteraka ny Fisolokiana sy fisandohana no tratra tany Ambondromamy. Io Tovolahy voalaza anarana etsy aloha io indray, avy eo, no nanondro ny vehivavy iray mpampianatra, nolazainy, fa nanome laharam-pinday nentina nisolokiana nampiasaina. Ilay lehilahy voalaza etsy ambony kosa, dia mpiara-miasa aminy akaiky no mody adala manontany vaovao amin’olona hafa. Mpiray tsikombakomba sy anisan’ireo nandray anjara mivantana nandritry ny fanatanterahana ny asa ratsy izy roa ireo. Fanampim-baovao hatrany no nahalalana, fa anio Alatsinainy 06 Jolay izy telo mianadahy ireto no hatolotra ny fampanoavana.

Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.