Maevatanàna : Notafihan’ny dahalo ny tranon’ny sefom-pokontany

Sesilany indray ny vaky trano eny amin’ireo fokontany maromaro eto Maevatanàna an-tapon-tanàna. Tokantrano maro no lasibatra, hatramin’ny fiandohan’ny volana Aogositra sy ny volana Septambra no mankaty. Ankoatra ny fitaovan-dakozia sy ny vorona isan-karazany, dia alain’ireo mpangalatra ny fahitalavitra sy ireo fitaovan-tokantrano lafo vidy, toy ny solosaina. Tsy re tsaika ireo mpangalatra raha ny voalazan’ireo niharam-boina, fa ny trano efa voaroba sy ireo entana banga amin’ny maraina vao samy mikoropaka ny rehetra. Raha ny tao Ambodimadiro izao, dia kojakojan-dakozia samihafa kosa no nasesin’ireo olon-dratsy.Ny fokontanin’ Andranomangatsiaka dia nataon’ireo olon-dratsy nahita, ny tranon’ny filoham-pokontany vao tsy ela akory izay, ka lasa nandritra izany ny:  » Solosaina iray sy Emprimanty » no fantatra fa very tao anatin’ny alina iray tamin’ny farany herinandro teo. Ny fokontanin’Antanambao sy Ambatofotsy no andrenesana tranga vaky trano sy hala-botry matetika. Manao antso avo amin’ny tompon’andraikitra mahefa ambony sy ny mpitandro ny filaminana mba hijery akaiky ny resaka vaky trano; izay mateti-pitranga eto Maevatanàna ny mponina.

Ratantely

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.