Miaramila mpampandry tany : Tsy menatry ny mandrabiraby azy ireo ny dahalo

Nisy ny famoriana sy fampiakàrana ireo Lehiben’ny vondrona Zrps (zone rurale priorité de sécurité), miisa efatra aty an-drenivohitra, niaraka tamin’ny Lehiben’ny BIA (Bataillon interarmes) avy ao amin’ny Tafika malagasy. Nihaona sy nifampiresaka nivantana tamin’ny Lehiben’ny Etamazaoron’ny Tafika an-Tanety, ny Jly Rakotoniana Jean Aimé, tao Andranoambo moa izy ireo tamin’izany. Nodinihana sy notapahana tao ireo paik’ady rehetra entina hampandriana fahalemana any amin’ireo faritra izay sokajiana ho mena amin’ny resaka asan-dahalo, izay isan’ny tafiditra ao anatin’ny fandarahan’asan’ny Governemanta. Any amin’ireny toerana ireny mantsy dia tsy menatry ny mandrabiraby ireo lehiben’ny vondrona izay mitarika ireo mpampandry tany any an-toerana ireo dahalo ka tsy maintsy hitadiavana paik’ady vaovao. Ankoatr’izay maro ireo olana sedrain’ireo vondrona manokana mpamandry tany ireto eny am-panaovana ny asany eny, kanefa tsy mikely soroka ary tsy nihemotra na oviana na ovina izy ireo tamin’ireo ambana maro isan-karazany ka nahavita an-tsakany sy andavany ireo andraikitra rehetra nankinina tamin’izy ireo. Marihana mantsy fa isan’ny vain-dohan-draharahan’ireto miaramila ireto ny famakiana ireo kizo sy zohy fiheren’ireo dahalo any amin’ireny faritra mena ireny.

m.L

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.