Ambondromamy : Olona telo kilan’ny afo, nodorana niaraka tamin’ny tranony

Nitrangana loza mahatsiravina tao an-tananan’i  Vohitsara, fokontany sy kaominina Ambondromamy, distrikan’i Maevatanana ny alin’ny Alatsinainy hifoha Talata teo tamin’ny misasak’alina. Trano tafo bozaka iray no may raha mbola tena tao anatin’ny torimaso tanteraka ny tompon-trano. Tsy fantatra marina no nanombohan’izany afo izany fa araka ny voalazan’ny zandary izay manao ny famotorana amin’ity raharaha ity dia tamin’ny efa tamin’ny 1 ora sy 45 minitra izy ireo no nahazo antso avy amin’ny an-telefaonina nataona mponina iray tao amin’io tanàna io. Nidina tany an-toerana avy hatrany ny zandary avy ao amin’ny borigady Ambondromamy. Hita tamin’izany fa may tanteraka ilay trano ary olona telo no hita fa maty may tao. Ramatoa renim-pianakaviana 24 taona ny iray ary  ny roa kosa dia ankizilahy kely vao 2 sy 4 taona monja. Araka ny fanampim-baovao hatrany dia toa hoe mpianaka ireto olona ireto. Ny fanadihadiana vonjy maika nataon’ny zandary no nahitana fa niniana nodorana ity trano ity. Mitohy arak’izany ny fikarohana izay nahavanon-doza tamin’izao raharaha izao.

T.M.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.