Mahamasina : Nisy nandroba tao amin’ny kianjan’ny Barea

Niandry ny misasak’alina izy dimy lahy ireto vao sahy namoaka ireo vy maromaro izay fitaovana entina hanamboarana ny kianja barea etsy Mahamasina. Ny polisy manao fisafoana manodidina ny kianja no nahatsikaritra azy ireo nibata vy mivoaka ny kianja. Tsy nisalasala ny mpitandro filaminana nanakana ireto tovolahy ireto ary nentina nohadihadiana avy hatrany. Tsy nisy afaka nandainga izy ireo satria tratra ambodiomby nangalatra ireo vy ary rehefa natolotra ny fitsarana dia nidoboka am-ponja vonjimaika eny Antanimora. Somary goragora fiambenana ny kianja matoa tafiditra ireto mpangalatra ary tsy lavitra ny kaomisaria. Tetik’asa goavana eto amintsika ary andaniana volabe, kanefa anaovan’ny sasany tantely afa-drakotra. Toe-javatra tahaka izao no tsy mampandroso ny firenena. Soa ihany fa nisy ny polisy nanao ny asany, raha tsy izany mety niverimberina teny ireo olon-dratsy hangalatra ny fitaovana entina hamitana ny kianja.

D.R

 

Suivez-nous aussi sur Facebook

Partager cette publication

Un Commentaire - Ecrire un commentaire

  1. Dia hodina tsy fantatra ve sa tena dondrona tokoa ny mpanadiady fa ny mpiambina dia iray komiberaka @izao….????10%…pfffff……

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.