Avaratetezana-Ampitatafika : Fatin-delahy hita nitsingevana tao amin’ny reniranon’i Sisaony

Lehilahy  iray izay efa maty no tazan’ny olona nitsingevana tao amin’ny reniranon’i Sisaony mandalo ao amin’ny fokontany Avaratetezana, kaominina Ampitatafika, distrikan’Antananarivo-Atsimon-drano, omaly maraina. Nampandre ny zandary avy hatrany moa ireo fokonolona eny an-toerana rehefa nahita izany sady nampakatra ny razana ety an-tanety. Nidina teny an-toerana ny mpitandro ny filaminana niaraka amin’ny dokotera avy ao amin’ny CSBII Faliarivo nizaha ny razana. Nandritra izany no nahitana fa maty an-drano ity olona ity, tsy fantatra ny momba azy. Tsy nahitana taratasy milaza ny mombamomba azy izy na dia mbola teny aminy avokoa aza ny fitafiany. Akanjo « tee-shirt » maitso sy pataloa « survêtement » manga ary « tennis » no nanaovany. Miravaka « bracelet » ny tanany havanana. Efa nalefa eny amin’ny tranompaty moa ny razana.

T.M.

Suivez-nous aussi sur Facebook

Partager cette publication

Poster un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.