Antsirabe

Moto halatra, izay tsy lafo atakalo toaka gasy

Ravan’ny mpitandro filaminana ny tambazotra mpanagalatra ireny Scooter ireny teto Antsirabe. Olona enina no indray voarohirohy tamin’izany, mpangalatra roa, mpandray halatra efatra ka misy vehivavy. Amidy ao an-tanana ihany ireo zavatra halatra ireo indrindra ny moto. Rehefa tsy lafo anefa dia entina any Amoron’i Mania atakalo toaka gasy. Ireo toaka ireo indray avy eo no ampiakarina aty Antsirabe amidy.
Tamin’ny faha-25 oktobra teo dia nisy nangalatra teny Vohijanahary ny Scooter iray sy DVD. Moto roa no tao amin’ilay trano fa io ihany no nentin-dry zalahy. Nandeha nivavaka ny tompon-trano tamin’izay ary novakian’ireo olon-dratsy mora foana ny varavarana. Ny faha-1 novambra, nahazo vaovao ny zandary fa misy mivarotra DVD eny Mahazoarivo. Naleha teny ka tratra i Lida. Rehefa nofotorana izy dia nanondro ny namany.
Araka ny loharanom-baovao dia moto fahenina nisy nangalatra teto Antsirabe io hita io. Voalaza ihany koa fa ity tambazotra ity no nanao izany halatra izany.

Lova

Lire aussi

Fanalamanga : Miaramila nanafika mpandraharaha, olona iray voatifitra
«Légaliste» : Raveloson constant recherché !
Talata Volonondry : Vehivavy namono tena tamin’ny fanafodim-biby
Ambohitrombihavana : Manazava ny Mpitandrina
La Réunion : Ny 85% n’ny mpivarotena dia avy aty Madagasikara