Lehilahy misoloky sady mandrahona ho faty

Lehilahy iray izay raindahiny amin’ny asa fisolokiana sy fampihorohorohana any amin’ny faritry ny kaominina ambanivohitra Ambatomanoina no voasambotry ny zandary ny 17 novambra 2009. Tsy vitan’ny angalany vola fotsiny ny olona fa rehefa avy eo andefasany taratasy fandrahonana ho faty.
Very omby roa ny fianakaviana iray mipetraka ao Ambohimanjaka, kaominina Amparatanjona, distrika Anjozorobe ny faran’ny volana oktobra 2009. Nisy olona nilaza fa mahita ireo omby roa very ireo ary nangataka lelavola Ar 300 000 tamin’ireto tompony ho sandan’ny famerenany ilay omby. Niandry ireo fianakaviana fa tsy tafaverina mihitsy ny ombiny.
 Tsy nahandry intsony ry zareo koa dia lasa nampandre ny zandary mikasika ity raharaha ity tamin’ny faha-10 novambra teo. Tsy vitan’izany fa nahazo taratsy fandrohonana ho faty ihany koa izy ireo avy amin’olon-tsy fantatra. Tsy izy irery anefa no voarahona sahala amin’izany fa misy olona hafa koa naharay taratasy. Ny iray tamin’ireo aza dia efa nangalana vola Ar 100 000.
Rehefa nanao ny fanadihadihana mikasika ity raharaha ity ny zandary dia fantatra fa ity lehilahy izay milaza hamerina ny omby roa very ity ihany no ati-doha mikotrika ireo fisolokiana sy asa fampihorohoroana ireto karazan’olona efatra samihafa ireto. Nandritra ny fisavana ny trano ipetrahany dia  nahitàna sabatra, sy ody gasy maromaro fandemena ireo olona izay solokiany tao aminy miaraka amin’ny vola  Ar 90 000. Taorian’ny fahavitan’ny fanadihadihana dia natolotra ny fampanoavana omaly ny lehilahy.

r.s.

Lire aussi

Ampandrana : Vehivavy telo mpamaky trano
Ambohidratrimo : Telo lahy tsy ampy taona nahafaty olona
Betafo : Jiolahy mitam-basy 7 tratran’ny zandary
Sambava : Notapahina ny tongotr'ilay jiolahy