Printsy Rasidy

Mangataka ny hitsarana ireo namono ny rainy

“Mangataka aho ny mba hitsarana faran’izay haingana ireo olona nanafika anay tany Ambatoharanana ny sabotsy lasa teo, ka naharatran’ny raiko, ny mpanjaka Lamboeny III, sy nahafatesana olona maro hafa”, hoy ny Printsy Rasidy Angelo raha nihaona tamin’ny mpanao gazety omaly teny Ampefiloha. Voalazany fa nisy famoizana ain’olona, fandratrana olona, fanitsakitsahana ny zon’olombelona tany tamin’io fotoana io, koa iangaviany ny fitondram-panjakana mba hijery akaiky ny raharaha.
Nambarany koa fa: “tsy maintsy mbola hiverina haka ny fitondrana izahay, fa mbola mikarakara ny fahasalaman’ny Mpanjaka aloha, ary miandry ihany koa izay fanampahan-kevitry ny Fitsarana”.
Nanamarika ihany koa ity zanaky ny Mpanjaka Lamboeny III ity fa misy ambadika politika ity raharaha ity. “Efa ho avy indray izao ny fifidianana ka misy ny fizaram-bola etsy sy eroa. Io no antony ampiadiana ny vahoaka mba hisian’ny zarazarao hanjakana”.
Hatramin’izao aloha dia naato ny fanatanterahana ny “Tsangantsaina” izay nokasaina hatao mba hisorohana izay korontana mety hiseho.

Aina R.

Lire aussi

Maroantsetra : Noboriana ny sofin’ilay mpanao sinto-mahery
Antanandrano-Ambohitrarahaba : Folo lahy mitam-basy nanafika mpivaro-kena « grossite »
Ambilobe : Nilahatra tamim-pilaminana ny mpomba ny Mpanjaka Tsimiaro III
Loza tany Antsampanana : Olona roa namoy ny ainy
Hain-trano tany Toamasina : Mitentina 14.000 Dôlara ny fahasimbana